ORATA Genutius

ORATA Genutius

Romanus Piscator, monumentô celebris non ita pridem defossô, in agri Atestini loco, qui Ripa Ulmi dicitur, cuius inscriptio vetus, in Chron. Hierony mi Atestini MS. haec est:

GENUTIUS. ORATA.

ROM. PISCATOR.

Maledictus ille piscis,

Qui spinâ me confixit.

Heu mons Lucix et tu Ripa,

Cunctis pertum, mortem mihi.

Fortun. Licetus de Lucernis l. 6. c. 101. ubi nobilem Piscatoris lychnum, piscis imaginem insculptam habentem, explicat, veroque simile iudicat, huiusmodi lucernam olim arsisse, in sepulchro Genutii Rom. aculeata venenataque spinâ ab Araneo pisce confecti. Dictus est autem Orata, a pisce cognomine, frequenti Romanorum more, ab huiuscemodi externis rebus, cognomina vel agnomina sibi vindicantium, vide infra.